O CIFP Imaxe e Son da Coruña celebra este mércores 20 de maio, ás 18:30 horas no Forum Metropolitano, unha nova edición da Gala EIS Carballeira, a cita histórica coa que o centro recoñece os mellores proxectos audiovisuais realizados polo alumnado de 2º curso.
A gala, organizada integramente polo estudantado de 1º dos ciclos de Produción, Realización, Imaxe e Son, entregará quince premios en distintas categorías vinculadas ao audiovisual e aos espectáculos. Entre os finalistas figuran traballos como Acala, A morte vermella, Barroco, Soplarei, Soplarei ou Miraxes.
Fotos realizadas no teatro (no seu estado actual) polo alumno de ICTI Alejandro Lorenzo Naya como protesta pola situación
O evento volverá celebrarse fóra do centro debido á situación do teatro da escola, pechado desde hai dous anos pola paralización das obras de reforma e eliminación do radón. O alumnado continúa reclamando un espazo escénico operativo baixo a campaña #teatronaeisxa.
As imaxes do teatro no seu estado actual foron realizadas polo alumno de ICTI Alejandro Lorenzo Naya.
