NOTA DE PRENSA | XORNADA 19
HÓCKEY A PATÍNS | PRIMEIRA DIVISIÓN
3 de marzo de 2012
O Clube Patín Cerceda da a cara ante o líder, a pesar de perder por un tanteo de 3-1
Digno partido o que realizou o Clube Patín Cerceda na pista do líder da categoría, o C.H. Lloret, co que acabou perdendo por 3-1 para romper así a súa trayectoria positiva das últimas catro xornadas.
A pesar da importante baixa de Jorge González, o equipo dirixido por Juan Copa acudía á cancha do líder coa esperanza de sacar algo positivo. O encontro comezaba cun gol do C.H. Lloret no minuto 4, pero a tres minutos de chegar ó descanso empataba José Ramón López.
Eso daba moitos ánimos ó C.P. Cerceda de cara a un segundo tempo que iniciaba tentando sorprender a través de varios contragolpes, pero de novo a mala sorte chegaba coa lesión de Jesús Gende, que tiña que deixar o partido.
Aínda así, o Cerceda continuaba atacando, mais nun erro defensivo e a tan só nove minutos para o remate marcaba o Lloret. Dous minutos máis tarde o equipo catalán finiquitaba o partido co definitivo 3-1.
Juan Copa sinalaba ó término do encontro que “estou moi contento coa actuación dos meus xogadores, pois plantamos cara ó líder e loitamos ata o final. As baixas foron decisivas, sobre todo nos últimos minutos de xogo. Agora temos que recuperarnos, porque o vindeiro sábado temos outro partido importante contra o C.H. Mataró”.
O Cerceda sacou de inicio a Adrián Vallina, Chus Gende, David Torres, Pepe Barreiro y José Ramón López.
